Tsetse Nyimdzee fa Akokɔ ho

 Akokɔ yɛ anyɛnbowa a wɔdze yɛ nkwan na frɔwee ma dapɔn anaa enyigye mber wɔ fie. Iyi ntsi sɛ wɔku akokɔ a, wɔtwitwa no nam wɔ ɛnyidze kwan do. Amambra mu no, akokɔ twitwa kwan a w’agyeatum no yi nampa esinesin du, baasa-kor sin na yamuadze ebaasa. Dza ɔwɔ nampa esinesin du no mu nye akokɔ srɛ, nsa, sisiw na kokopon mbɔho na ɛkyir sor na famu. Baasa-kor sin no ka akokɔnan ebien na no kɔn bom. AKokɔ yamuadze ebaasa a wɔdzi nye gizzard akoma, na berɛbo. Amambra mu no, sɛ basia tum twitwa akokɔnam pɛpɛɛpɛr a, na ɔkyerɛ dɛ n’enyiwa efir na w’edur dɛ wɔdze nkwansɛn hyɛ no nsa. Sɛ basia enntum antwitwa akokɔnam pɛpɛɛpɛr na ɔto pon a, nsɛmbisa bɛba osiandɛ wɔwɔ akokɔnam esinesin bi tsedɛ akokɔ n’ekyir sor na famu na kokopon a wɔdze som mbanyin (kunnom, egyanom nye ebusua mu mpanyinfo). Dza ɔka biara wɔkyɛ ma mbasiafo na mbofra.